തിരുവന്തപുരം: നരേന്ദ്രമോദിയുടെയും അമിത് ഷായുടെയും കൊട്ടേഷന് ഏറ്റെടുത്ത് കൊണ്ടാണ് മുഖ്യമന്ത്രി പിണറായി വിജയന് ഭാരത് ജോഡോ യാത്രക്കെതിരെ വിമര്ശനം ഉന്നയിച്ചതെന്ന് എഐസിസി ജനറല് സെക്രട്ടറി കെ സി വേണുഗോപാല്. മുഖ്യമന്ത്രിയുടെ നീക്കത്തിന് പിന്നിലെ രാഷ്ട്രീയം വ്യക്തമാണെന്നും വേണുഗോപാല് കൂട്ടിച്ചേര്ത്തു. ഭാരത്ജോഡോ യാത്ര തൃശൂര് ജില്ലയില് പര്യടനം തുടരുകയാണ്.
സിപിഎമ്മിന്റെ ആരോപണങ്ങളോട് രാഹുല്ഗാന്ധി മൗനം പാലിക്കുമ്പോഴും മറ്റു നേതാക്കള് പ്രത്യാക്രമണം തുടരുകയാണ്. ഭാരത് ജോഡോ യാത്രക്കെതിരായ കഴിഞ്ഞദിവസത്തെ മുഖ്യമന്ത്രിയുടെ ആരോപണങ്ങള്ക്ക് മറുപടിയുമായി സംഘടനാ ചുമതലയുള്ള എ ഐ സി സി ജനറല് സെക്രട്ടറി കെ സി വേണുഗോപാല് രംഗത്ത് എത്തി. ബിജെപിക്ക് വേണ്ടി മുഖ്യമന്ത്രി കൊട്ടേഷന് ഏറ്റെടുത്തെന്ന് കെ സി വേണുഗോപാല് ആരോപണങ്ങളും വിമര്ശനങ്ങളും തുടരുമ്പോഴും വലിയ വരവേല്പ്പാണ് രാഹുല്ഗാന്ധിക്കും ഭാരത് ജോഡോ യാത്രക്കും ലഭിക്കുന്നത്.
