ന്യുഡല്ഹി: നേമത്തോ വട്ടിയൂര്ക്കാവിലോ മത്സരിക്കാന് തയ്യാറാണെന്ന് എഐസിസി ജനറല് സെക്രട്ടറി കെ സി വേണുഗോപാല് അറിയിച്ചു. മുതിര്ന്ന നേതാക്കള് ഹൈക്കമാന്ഡ് നിര്ദേശം പാലിക്കാന് തയ്യാറാകാത്തതിനാല് ആണ് ഈ നീക്കമെന്നാണ് റിപ്പോര്ട്ട്. മുതിര്ന്ന നേതാക്കളായ ഉമ്മന് ചാണ്ടിക്കും രമേശ് ചെന്നിത്തലയ്ക്കും സ്ഥാനാര്ത്ഥികളാകാന് വയ്യെങ്കില് താന് സ്ഥാനാര്ഥിയാകുമെന്ന് വേണുഗോപാല് അറിയിക്കുകയായിരുന്നു.
എഐസിസി സ്ക്രീനിംഗ് കമ്മിറ്റി യോഗത്തിലാണ് കെ സി വേണുഗോപാല് ഈ പ്രഖ്യാപനം നടത്തിയത്. നേമത്തും വട്ടിയൂര്ക്കാവിലും തനിക്ക് വിജയ സാധ്യതയുണ്ടെന്നും അദ്ദേഹം പറഞ്ഞു. അതേസമയം മുഖ്യമന്ത്രി സ്ഥാനാര്ത്ഥി നേമത്ത് മത്സരിക്കുന്ന കോണ്ഗ്രസ് നേതാവായിരിക്കുമെന്ന് ഹൈക്കമാന്ഡ് അറിയിച്ചു.
നേമത്ത് ഉമ്മന് ചാണ്ടിയെയും രമേശ് ചെന്നിത്തലയേയും ആണ് ഹൈക്കമാന്ഡ് പരിഗണിക്കുന്നത്. അവരെ ഇക്കാര്യം അറിയിക്കുകയും ചെയ്തു. ഇവര്ക്ക് സമ്മതമല്ലെങ്കില് കെ സി വേണുഗോപാല് ആയിരിക്കും ഇവിടെ സ്ഥാനാര്ഥി. കൂടാതെ നേമത്തേക്ക് കെ മുരളീധരന്, ശശി തരൂര് എന്നിവരെയും പരിഗണിക്കുന്നുണ്ട്.