ന്യൂഡല്ഹി: ഡല്ഹിയില് പൗരത്വ ഭേദഗതിയെ അനുകൂലിക്കുന്നവരും പ്രതിഷേധിക്കുന്നവരും ഏറ്റുമുട്ടി കലാപത്തിലേക്ക് കാര്യങ്ങള് ചെന്നെത്തിയതിനെ തുടര്ന്ന് വിളിച്ചു ചേര്ത്ത ഉന്നതതല യോഗം അവസാനിച്ചു. സംഘര്ഷത്തെ തുടര്ന്ന് കേന്ദ്ര ആഭ്യന്തര മന്ത്രി അമിത് ഷായും ഡല്ഹി മുഖ്യമന്ത്രി അരവിന്ദ് കെജരിവാളും തമ്മില് നടത്തിയ ഉന്നതതല യോഗമാണ് ഏറെ നേരത്തെ ചര്ച്ചയ്ക്ക് ശേഷം അവസാനിച്ചത്.
ഇന്ന് ഉച്ചക്കാണ് ചര്ച്ച നടന്നത്. കെജരിവാളിനും ഗവര്ണര്ക്കും പുറമെ ഡല്ഹി നോര്ത്ത് ബ്ലോക്കിലെ രാഷ്ട്രീയ പാര്ട്ടി പ്രതിനിധികളും ചര്ച്ചയില് പങ്കെടുത്തിരുന്നു. യോഗം സമാധാന പരമായിരുന്നെന്നും സംഘര്ഷാവസ്ഥ നിയന്ത്രിക്കാന് എല്ലാ പാര്ട്ടികളും നടപടികള് സ്വീകരിക്കുമെന്നും യോഗത്തിനു ശേഷം കെജരിവാള് പറഞ്ഞു. അക്രമണം നിയന്ത്രിക്കാനായി സൈന്യത്തെ വിന്യസിക്കുമോ എന്ന മാധ്യമപ്രവര്ത്തകരുടെ ചോദ്യത്തിന് ആവശ്യമാണെങ്കില് വിന്യസിക്കുമെന്നും നിലവില് ക്രമസമാധാന ചുമതല പോലീസിനാണെന്നും അരവിന്ദ് കെജരിവാള് മറുപടി പറഞ്ഞു.
