കേന്ദ്ര സർക്കാരിനെ രൂക്ഷമായി വിമർശിച്ച് അരവിന്ദ് കെജ്രിവാൾ

ന്യുഡല്‍ഹി : കേന്ദ്ര സർക്കാരിനെതിരെ രൂക്ഷവിമർശനവുമായി ഡൽഹി മുഖ്യമന്ത്രി അരവിന്ദ് കെജ്രിവാൾ.  എന്തുകൊണ്ടാണ് കേന്ദ്ര സർക്കാർ ഡൽഹിയിലെ മന്ത്രിമാരെ ലക്ഷ്യമിടുന്നതെന്ന് അദ്ദേഹം ചോദിച്ചു. കൂടുതൽ മന്ത്രിമാരെ അറസ്റ്റ് ചെയ്യണമെങ്കിൽ അവർക്ക് ഒരുമിച്ച് നിൽക്കാമെന്നും അദ്ദേഹം പറഞ്ഞു. ഉപമുഖ്യമന്ത്രി മനീഷ് സിസോദിയയെ കള്ളക്കേസിൽ കുടുക്കുകയാണ് കേന്ദ്ര സർക്കാരിന്റെ  അടുത്ത ലക്ഷ്യമെന്ന് അരവിന്ദ് കെജ്രിവാൾ പറഞ്ഞു. “ഞാൻ പ്രധാനമന്ത്രിയോട് പറയുകയാണ്. ഞങ്ങളെ എല്ലാവരെയും അറസ്റ്റ് ചെയ്യൂ”. മനീഷ് സിസോദിയയെ അറസ്റ്റ് ചെയ്യാൻ കേന്ദ്ര ഏജൻസികൾക്ക് നിർദ്ദേശം നൽകിയിട്ടുണ്ടെന്നും കെജ്രിവാൾ പുറത്തുവിട്ട വീഡിയോയിൽ പറയുന്നു.