ഡല്‍ഹി : ഡല്‍ഹിയിലെ കൊവിഡ് രോഗികളില്‍ പ്ലാസ്മ തെറാപ്പി ഫലപ്രദമെന്ന് മുഖ്യമന്ത്രി അരവിന്ദ് കെജരിവാള്‍. ലോക്നായക് ജയ്പ്രകാശ് നാരായണ്‍ ആശുപത്രിയില്‍ നാല് കൊവിഡ് രോഗികള്‍ക്ക് പ്ലാസ്മ ചികിത്സ നല്‍കി വരുന്നുണ്ടെന്നും ആത്മവിശ്വാസം നല്‍കുന്ന ഫലമാണ് പുറത്തുവരുന്നതെന്നുമാണ് കെജരിവാള്‍ പറഞ്ഞത്.
ആദ്യ ഘട്ടത്തിലെ ഫലങ്ങള്‍ മാത്രമാണിവ. ഇതിലൂടെ കൊറോണ വൈറസിന് പ്രതിവിധി കണ്ടെത്തിയെന്ന് പറയാനാവില്ല. പക്ഷേ പ്രതീക്ഷാ കിരണങ്ങള്‍ ഇവ നമുക്ക് നല്‍കുന്നു എന്നാണ് കെജരിവാള്‍ പറഞ്ഞത്. അതേസമയം ആശുപത്രിയിലെ നാല് കൊവിഡ് രോഗികളില്‍ പ്ലാസ്മ ചികിത്സ ഫലമുണ്ടാക്കി. രണ്ട് മൂന്ന് രോഗികള്‍ക്ക് നല്‍കാന്‍ നിലവില്‍ രക്തവും പ്ലാസ്മയും ആശുപത്രിയില്‍ തയ്യാറാണ്.
