തിരുവനന്തപുരം: എഐ ക്യാമറ വിവാദത്തില് പ്രതിഷേധവുമായി കെല്ട്രോണ് ഓഫീസില് തള്ളിക്കയറിയ ആര്വൈഎഫ് പ്രവര്ത്തകര് അറസ്റ്റില്. കെല്ട്രോണ് എംഡിയുടെ ഓഫീസിലേക്ക് തളിക്കയറാനായിരുന്നു ശ്രമം. സംഭവത്തില് അഞ്ച് പ്രവര്ത്തകര് അറസ്റ്റിലായി. മ്യൂസിയം പോലീസാണ് ഇവരെ അറസ്റ്റു ചെയ്ത് നീക്കിയത്. അതേസമംയം എഐ ക്യാമറ ഇടപാടില് വിജിലന്സ് അന്വേഷണം പുരോഗമിക്കുന്നു.
എ.ഐ ക്യാമറ ഇടപാടിയില് വിജിലന്സ് അന്വേഷണം നേരത്തേ പ്രഖ്യാപിച്ചിരുന്നു എന്നുള്ള വിവരമാണ് പുറത്തുവരുന്നത്. ഇക്കഴിഞ്ഞ ഫെബ്രുവരിയില് തന്നെ വിജിലന്സ് അന്വേഷണത്തിന് സര്ക്കാര് ഉത്തരവിട്ടിരുന്നു. 230 കോടി രൂപ ചെലവില് നടപ്പിലാക്കിയ പദ്ധതി കെല്ട്രോണ് വഴി വാങ്ങിയതിലും നടപ്പാക്കിയതിലും അഴിമതി, സേഫ് കേരള എന്ഫോഴ്സ്മെന്റ് സ്ക്വാഡിന് ലാപ്ടോപ് വാങ്ങിയതില് ക്രമക്കേട് തുടങ്ങി ആറിലധികം പരാതികളാണ് സര്ക്കാരിന് ലഭിച്ചത്.