തിരുവനന്തപുരം: നിയമസഭാ മന്ദിരത്തില് ചൊറിയണം നടുന്നതാണ് ഭേദമെന്ന് കെപിസിസി അധ്യക്ഷന് കെ സുധാകരന്. കമ്യൂണിസ്റ്റ് നേതാവ് ആര് സുഗതന് ജീവിച്ചിരുന്നെങ്കില് സെക്രട്ടേറിയറ്റിനു പകരം നിയമസഭാ മന്ദിരം ഇടിച്ചു നിരത്തി അവിടെ ചൊറിയണം നടണമെന്നു പറയുമായിരുന്നെന്ന് സുധാകരന് പറഞ്ഞു. ജീര്ണതയുടെ മൂര്ധന്യത്തിലെത്തിയ കേരള നിയമസഭ, ജനാധിപത്യ അവകാശങ്ങള് ചവിട്ടിമെതിക്കുകയും പ്രതിപക്ഷ അംഗങ്ങളെ അടിച്ചുവീഴ്ത്തുകയും ചെയ്യുന്ന ഭീകരരുടെ താവളമായെന്ന് അദ്ദേഹം ചൂണ്ടിക്കാട്ടി. ഒരു ദിവസം എട്ടോ പത്തോ മിനിറ്റ് നേരം നിയമസഭ സമ്മേളിക്കാന് 36,28,594 രൂപ ചെലവിടുന്നതിനു പകരം ആ പണം ജനങ്ങള്ക്ക് പ്രയോജനം ചെയ്യുന്ന മറ്റെന്തിനെങ്കിലും വിനിയോഗിക്കണമെന്നും സുധാകരന് പറഞ്ഞു.
അതേസമയം ഇന്നലെ മുഖ്യമന്ത്രിയെ ചെറ്റയെന്ന് വിശേഷിപ്പിച്ച് സുധാകരന് രംഗത്തെത്തിയിരുന്നു. ഇങ്ങനെയൊരു ചെറ്റ മുഖ്യമന്ത്രി ലോകത്ത് എവിടെയെങ്കിലുമുണ്ടോ എന്നാണ് സുധാകരന് ചോദിച്ചത്. പിണറായി വിജയനെ ചങ്ങലക്കിടാന് കഴിഞ്ഞില്ലെങ്കില് സിപിഐഎം പിരിച്ചുവിടണം. നാണവും മാനവും ഉളുപ്പുമുണ്ടോ അദ്ദേഹത്തിന്. എത്ര അഴിമതി ആരോപണം വന്നു. പ്രതികരിച്ചോ. തുക്കട പോലീസിനെ കാണിച്ച് കോണ്ഗ്രസിനെ ഭയപ്പെടുത്താന് ശ്രമിക്കേണ്ട. നീതി കാണിച്ചില്ലെങ്കില് പോലീസാണെന്ന് നോക്കില്ലെന്നും സുധാകരന് പറഞ്ഞിരുന്നു.
