തിരുവനന്തപുരം: രാജ്യത്ത് അഴിമതി കുറഞ്ഞ സംസ്ഥാനമാണ് കേരളമെന്ന് മുഖ്യമന്ത്രി പിണറായി വിജയന്. കെ.ജി.ഒ.എ സംസ്ഥാന സമ്മേളനം ഓണ്ലൈനായി ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. നാടിന്റെ പൊതുവായ വികസനമാണ് സര്ക്കാരിന്റെ ലക്ഷ്യമെന്ന് മുഖ്യമന്ത്രി പിണറായി വിജയന് വ്യക്തമാക്കി. ജനങ്ങളുടെ ക്ഷേമത്തിനും സര്ക്കാര് അതിയായ പ്രാധാന്യം നല്കുന്നുണ്ട്. ജനങ്ങളെ മുന്നില് കണ്ടു കൊണ്ടുള്ള പ്രവര്ത്തന രീതിയായിരിക്കണം ഉദ്യോഗസ്ഥര് സ്വീകരിക്കേണ്ടത് എന്ന് അദ്ദേഹം പ്രസംഗത്തില് കൂട്ടിച്ചേര്ത്തു.
യു.ഡി. എഫിന്റെ ദുസ്ഥിതിയില് സര്ക്കാരിന് ഒന്നും ചെയ്യാനില്ല എന്ന് അദ്ദേഹം വ്യക്തമാക്കി. കയ്യിലിരിപ്പാണ് യു.ഡി.എഫിനെ ഈ സ്ഥിതിയിലെത്തിച്ചത്. 2021ല് എന്തൊക്കെ കോലാഹലങ്ങളായിരുന്നു പ്രതിപക്ഷം നടത്തിയത്. എന്നിട്ട് എന്തു സംഭവിച്ചു എന്ന് അദ്ദേഹം ചോദിച്ചു. ജനങ്ങള് ഒന്നാകെ സര്ക്കാരിന്റെ കൂടെ നിന്നെന്നും മുഖ്യമന്ത്രി വ്യക്തമാക്കി. 2021ല് സര്ക്കാര് അധികാരത്തില് വന്ന് ആഴ്ച്ചകള് കഴിയും മുന്പേ വീണ്ടും എതിര്പ്പുകള് ഉയര്ന്നു. എല്ലാ വികസനങ്ങളും തടയുകയെന്നതില് ബി.ജെ.പിയും യു.ഡി.എഫും ഒരേ മാനസികാവസ്ഥയിലാണെന്നും അദ്ദേഹം കൂട്ടിച്ചേര്ത്തു.
