28.8 C
Pathanāmthitta
Tuesday, October 19, 2021 1:51 pm
Advertisment

കേരള കോൺഗ്രസ് നേതാക്കളുടെ രാജി തുടരുന്നു

പത്തനംതിട്ട : പത്തനംതിട്ടയിൽ കേരള കോൺഗ്രസ് എമ്മിൽ നിന്ന് നേതാക്കളുടെ രാജി തുടരുകയാണ്. മുതിർന്ന നേതാവ് പി. കെ. ജേക്കബിന്റെ നേതൃത്വത്തിൽ നിരവധിപേർ കഴിഞ്ഞാഴ്ച് രാജിവച്ച് കേരളകോൺഗ്രസ് (ബി)യിൽ ചേർന്നിരുന്നു. അതിന് തൊട്ട് പിന്നാലെയാണ്  ജില്ലാ സെക്രട്ടറിയും സംസ്ഥാന കമ്മിറ്റിയംഗവും കെ. ടി.യു.സി റാന്നി നിയോജകമണ്ഡലം പ്രസിഡന്റുമായ ഷാജി തേക്കാട്ടിൽ ഇന്നലെ രാജിവച്ച് കേരള കോൺഗ്രസ് (ബി) യിൽ ചേർന്നത്.

അദ്ദേഹത്തോടൊപ്പം പഴവങ്ങാടി മണ്ഡലം പ്രസിഡന്റ് ബേബി പാറയ്ക്കുേമൽ, വെച്ചൂച്ചിറ മുൻ മണ്ഡലം പ്രസിഡന്റ് ബാബു അന്ത്യാകുളം എന്നിവരും രാജിവച്ച് കേരളകോൺഗ്രസ് ബിയിൽ ചേർന്നു. കേരളകോൺഗ്രസ് (എം) ജില്ലാ പ്രസിഡന്റ് എൻ.എം രാജു ജനങ്ങളുമായി ഒരു ബന്ധവും ഇല്ലാത്ത ആളാണെന്നും പാർട്ടിയെ വ്യവസായവൽക്കരിക്കുകയാണെന്നും ഷാജി തേക്കാട്ടിൽ വാർത്താ സമ്മേളനത്തിൽ ആരോപിച്ചു. കഴിഞ്ഞ നിയമസഭ തിരഞ്ഞെടുപ്പിൽ റാന്നിയിൽ അഡ്വ.പ്രമോദ് നാരായണന്റെ വിജയത്തിനായി ജില്ലാ പ്രസിഡന്റ് പ്രവർത്തിച്ചിട്ടില്ല.

പാർട്ടിവേദികളിൽ സ്ഥാനാർത്ഥിയെ പരിചയപ്പെടുത്താൻ പോലും തയ്യാറായില്ല. റാന്നി പഞ്ചായത്തിൽ ബി. ജെ.പിയുമായുള്ള കൂട്ടുകെട്ട് ജില്ലാ പ്രസിഡന്റ് അറിഞ്ഞാണ്. വ്യക്തിപരമായ താൽപര്യം മാത്രമാണ് ജില്ലാ നേതൃത്വത്തിനുള്ളതെന്നും ഷാജി പറഞ്ഞു.

ആറന്മുളയിൽ നിന്ന് വളരെയധികം യൂത്ത് ഫ്രണ്ട് പ്രവർത്തകർ രാജിവെച്ച് കേരള കോൺഗ്രസ് ബി യിൽ ചേർന്നു.  കേരള യൂത്ത് ഫ്രണ്ട് എം തിരുവല്ല നിയോജക മണ്ഡലം പ്രസിഡൻറ് ചാൾസ് ചാമത്തിലും രണ്ടാഴ്ചയ്ക്ക് മുമ്പ് രാജിവെച്ചിരുന്നു. അദ്ദേഹം പക്ഷേ ഇതുവരെ മറ്റൊരു പാർട്ടിയിലേക്ക് പോയിട്ടില്ല. ഈ രാജിയും ഗ്രൂപ്പ് കളിയുടെ ഭാഗമാണ് എന്ന് ഞങ്ങളുടെ പ്രതിനിധി റിപ്പോർട്ട് ചെയ്യുന്നു.

- Advertisment -
Advertisment
Advertisment
- Advertisment -
- Advertisment -

Most Popular