ദിവസവും കുളിക്കുകയെന്നത് മലയാളികളുടെ ഒഴിച്ചു കൂടാനാവാത്ത ദിനചര്യയാണ്. രാവിലെയോ വൈകിട്ടോ ആണ് ശരീരശുദ്ധി വരുത്തേണ്ടത്. മനസിനും ശരീരത്തിനും ഉന്മേഷവും ഊര്‍ജ്ജവും നല്‍കാന്‍ നല്ല കുളി കാരണമാകുമെന്നതില്‍ സംശയമില്ല.
രണ്ടു നേരം കുളി ശീലമാക്കിയവരും നമുക്കിടയിലുണ്ട്. പണ്ടു കാലത്തെ അപേക്ഷിച്ച് ഇന്ന് കുളിയുടെ കാര്യത്തിലും മാറ്റങ്ങള്‍ വന്നിട്ടുണ്ട്. മുമ്പ് പുഴയിലും കുളങ്ങളുലുമായിരുന്നു കുളിയെങ്കില്‍ ഇന്നത് വീടിനുള്ളിലെ കുളിമുറികളിലേക്ക് മാറി.
അതോടൊപ്പം തന്നെ മുടിയുടെ പ്രശ്നങ്ങളും കൂടി വന്നു.അത്തരത്തില്‍ പലര്‍ക്കുമുള്ള സംശയമാണ് ഷവറില്‍ കുളിക്കുന്നത് മുടികൊഴിച്ചിലിന് കാരണമാകുമോ എന്നത്. പലര്‍ക്കും അത്തരത്തിലുള്ള പ്രശ്നങ്ങളും അഭിമുഖീകരിക്കേണ്ടതായും വരുന്നുണ്ട്.
എന്നാല്‍ ബലക്ഷയം വന്ന മുടിയിഴകളാണ് അത്തരത്തില്‍ പെട്ടന്ന് കൊഴിഞ്ഞ് പോകുന്നത്. മുടി യിഴകള്‍ക്ക് ബലമില്ലാത്തവര്‍ക്ക് ഷവറിലെ കുളി വില്ലനായേക്കാം. കുളി കഴിഞ്ഞ് അമിത ശക്തിയോടെ തല തുവർത്തുന്നതും മസാജ് ചെയ്യുന്നതും ഇക്കൂട്ടരുടെ മുടി നഷ്‌ടമാക്കും.
സമാനമായ ഈ പ്രശ്‌നം നേരിടുന്ന വര്‍ക്കാണ് ഷവറിലെ കുളിയും തിരിച്ചടിയാകും. ശക്തമായി വെള്ളം തലയിലേക്ക് പതിക്കുമ്പോള്‍ ബലക്ഷയമുളള മുടിയിഴകള്‍ കൊഴിയും. മറ്റു മുടികള്‍ക്ക് സാരമായ പരിക്കേല്‍ക്കുകയും ചെയ്യും. മുടി നഷ്‌ടമാകുന്നു എന്ന തോന്നലുള്ളവര്‍ മൃദുവും പല്ലുകൾ തമ്മിലുള്ള അകലം കൂടിയിട്ടുള്ളതുമായ ചീപ്പുകള്‍ മാത്രമെ ഉപയോഗിക്കാന്‍ പാടുള്ളൂ.
