തൃശ്ശൂർ : കള്ളക്കേസ് ചുമത്തി ബിജെപി നേതാക്കളെ സർക്കാർ വേട്ടയാടുന്നുവെന്നു ആരോപിച്ച് ബിജെപിയുടെ സംസ്ഥാന വ്യാപക പ്രതിഷേധം ഇന്ന്. തൃശ്ശൂർ ജില്ലയിലെ 5000 കേന്ദ്രങ്ങളിൽ പ്രതിഷേധ ജ്വാല തെളിയിക്കും. തൃശ്ശൂർ പോലീസ് ക്ലബിന് മുന്നിൽ നടക്കുന്ന പ്രതിഷേധം സംസ്ഥാന പ്രസിഡന്റ് കെ സുരേന്ദ്രൻ ഓൺലൈൻ ആയി ഉദ്ഘാടനം ചെയ്യും.
സംസ്ഥാന സർക്കാരിന്റെ താല്പര്യ പ്രകാരമാണ് അന്വേഷണം പുരോഗമിക്കുന്നത് എന്നാണ് ബിജെപിയുടെ ആരോപണം. പാർട്ടിയുടെ സംസ്ഥാന ജില്ലാ നേതാക്കൾ വിവിധ മണ്ഡലങ്ങളിലെ പ്രതിഷേധ പരിപാടികളിൽ പങ്കെടുക്കും.
അതിനിടെ കൊടകര കുഴൽപണ കേസിൽ ബിജെപി ജില്ല സെക്രട്ടറി ഉല്ലാസ് ബാബുവിൽ നിന്നു അന്വേഷണ സംഘം ഇന്ന് മൊഴിയെടുത്തേക്കും. നിർദേശം ലഭിക്കുന്ന മുറക്ക് പോലീസ് ക്ലബ്ബിൽ ഹാജരാകണം എന്നു അന്വേഷണ സംഘം ഉല്ലസിനോട് ആവശ്യപ്പെട്ടിട്ടുണ്ട്
