തിരുവനന്തപുരം : കേരളത്തില് നിന്നുള്ള മന്ത്രിമാർ സിപിഐ ദേശീയ കൗൺസിലിലേക്ക്. കെ.രാജന്, ജി.ആര്.അനില്, പി.പ്രസാദ് എന്നിവര് കൗൺസിലിലെത്തും. ഡെപ്യൂട്ടി സ്പീക്കര് ചിറ്റയം ഗോപകുമാറും രാജാജി മാത്യു തോമസും ദേശീയ കൗണ്സിലില്. കേരളത്തില്നിന്ന് എട്ട് പുതുമുഖങ്ങളാണ് കൗൺസിലിൽ അംഗങ്ങളാകുക. സത്യന് മൊകേരി കണ്ട്രോള് കമ്മീഷന് അംഗം. പന്ന്യന് രവീന്ദ്രന്, എന്.അനിരുദ്ധന്, ടി.വി.ബാലന്, സി.എന്.ജയദേവന്, എന്.രാജന് എന്നിവര് ഒഴിവായി. കെ.ഇ.ഇസ്മായിലും ദേശീയ കൗണ്സില്നിന്ന് പുറത്ത്.
സിപിഐ ജനറൽ സെക്രട്ടറിയായി ഡി.രാജയെ തന്നെ വിജയവാഡയിൽ നടക്കുന്ന 24ആം പാർട്ടി കോൺഗ്രസ്സ് തിരഞ്ഞെടുത്തേക്കും. രാജയെ ഉന്നമിട്ട് പൊതുചർച്ചയിൽ കേരളഘടകം കടുത്ത വിമർശനം ഉന്നയിച്ചെങ്കിലും നേതൃമാറ്റം ഉണ്ടാകാനിടയില്ല. രാജക്കെതിരെ ദേശീയ കൗൺസിലിൽ വിയോജിപ്പുണ്ടായാൽ അതുൽ കുമാർ അൻജാനോ അമർജിത് കൗറോ ജനറൽ സെക്രട്ടറിയാകാനുള്ള സാധ്യത നേതാക്കൾ തള്ളിക്കളയുന്നില്ല.
