തിരുവനന്തപുരം: സംസ്ഥാനത്തെ പോലീസ് തലപ്പത്ത് അഴിച്ചുപണി. രണ്ട് പുതിയ ഡി.ജി.പിമാരെ നിയമിച്ചു. എ.ഡി.ജി.പിമാരായ കെ. പത്മകുമാറിനും ഷെയ്ഖ് ദര്വേശ് സാഹിബിനുമാണ് ഡി.ജി.പിയായി സ്ഥാനക്കയറ്റം നല്കിയത്. പോലീസ് ആസ്ഥാന എ.ഡി.ജി.പിയായിരുന്ന കെ. പത്മകുമാറിനെ ജയില് മേധാവിയായും ക്രൈംബ്രാഞ്ച് മേധാവിയായിരുന്ന ഷെയ്ഖ് ദര്വേശ് സാഹിബിനെ ഫയര്ഫോഴ്സ് ഡയറക്ടര് ജനറലായും നിയമിച്ച് സര്ക്കാര് ഉത്തരവ് പുറത്തിറക്കി. എ.ഡി.ജി.പിമാരായ ബല്റാം കുമാര് ഉപാദ്ധ്യായയെ പോലീസ് ആസ്ഥാനത്ത് അഡ്മിനിസ്ട്രേഷന് വിഭാഗത്തിലും എച്ച്. വെങ്കിടേഷിനെ ക്രൈംബ്രാഞ്ച് മേധാവിയായും നിയമിച്ചു.
ജയില് മേധാവിയായിരുന്ന ബല്റാം കുമാര് ഉപാദ്ധ്യായ, ആംഡ് ബറ്റാലിയന് എ.ഡി.ജി.പിയായിരുന്ന വെങ്കടേഷ്. ഡി.ജി.പിക്ക് തുല്യമായ എക്സ് കേഡര് പദവി സൃഷ്ടിച്ചാണ് പത്മകുമാറിന്റെയും ഷെയ്ഖ് ദര്വേശ് സാഹിബിന്റെയും നിയമനം. ഡി.ജി.പി പദവിയിലുണ്ടായിരുന്ന ഫയര്ഫോഴ്സ് മേധാവി ബി. സന്ധ്യ, എക്സൈസ് കമീഷനര് എസ്. ആനന്ദ കൃഷ്ണന് എന്നിവര് വിരമിച്ച ഒഴിവിലേക്കാണ് രണ്ട് പേരെ ഡി.ജി.പിമാരായി സ്ഥാനക്കയറ്റം നല്കിയത്.
