ഡല്ഹി: കേരളത്തില് കമ്മ്യൂണിസ്റ്റുകാര് തകര്ന്ന് തരിപ്പണമാകുമെന്ന് ബിജെപി നേതാവ് പ്രകാശ് ജാവദേക്കര്. പാര്ലമെന്റ് തെരഞ്ഞെടുപ്പില് കേരളത്തില് വന് കുതിച്ച് ചാട്ടത്തിനാണ് ബിജെപി ഒരുങ്ങുന്നതെന്ന് പ്രകാശ് ജാവദേക്കര് പറഞ്ഞു. സിപിഐഎം കേരളത്തിലും തകര്ന്നടിയാല് പോകുകയാണ്. കുറ്റകൃത്യം, അഴിമതി, കള്ളക്കടത്ത് എന്നിവയൊക്കായാണ് എല്ഡിഎഫ് മുഖമുദ്രയെന്നും അദ്ദേഹം ആരോപിച്ചു.
ചുരുങ്ങിയത് അഞ്ച് സീറ്റ് കേരളത്തില് ബിജെപിക്ക് ലഭിക്കും. സ്ഥാനാര്ത്ഥികള് ആരെന്നത് കാത്തിരുന്ന് കാണാമെന്ന് പ്രകാശ് ജാവദേക്കര് പറഞ്ഞു. ബിജെപിയ്ക്ക് എല്ലാ മണ്ഡലങ്ങളിലും വോട്ട് വര്ധിച്ച് കൊണ്ടിരിക്കുകയാണ്. കഴിഞ്ഞ തവണ കേരള ജനത മോദി ഒറ്റത്തവണ അത്ഭുതം മാത്രമെന്ന് കരുതി. രാഹുല് ഗാന്ധി പ്രധാനമന്ത്രിയാകുമെന്ന് കരുതി. എന്നിട്ടും വോട്ട് വിഹിതം വര്ധിപ്പിക്കാനായി. ഇപ്പോള് എല്ലാവര്ക്കും അറിയാം മോദി തന്നെ വീണ്ടും പ്രധാനമന്ത്രിയാകുമെന്നും അദ്ദേഹം പറഞ്ഞു.
