തിരുവനന്തപുരം : സംസ്ഥാനത്ത് രണ്ടു ദിവസംകൂടി ശക്തമായ മഴ ലഭിക്കുമെന്നു കാലാവസ്ഥാ നിരീക്ഷണ കേന്ദ്രം. തെക്കുകിഴക്കന് അറബിക്കടലിലും അതിനോടു ചേര്ന്നുള്ള മധ്യകിഴക്ക് അറബിക്കടലിലും ന്യൂനമര്ദം രൂപമെടുത്തതിനെത്തുടര്ന്നാണ് കേരളം, കന്യാകുമാരി, ലക്ഷദ്വീപ് എന്നിവിടങ്ങളില് കാലവര്ഷം ശക്തമായത്.
തിരുവനന്തപുരം, കൊല്ലം, ആലപ്പുഴ, കോട്ടയം ജില്ലകളില് ഇന്നലെ കനത്തമഴ ലഭിച്ചു. തെക്കന് ജില്ലകളില് ഇന്നലെ രാവിലെ ആരംഭിച്ച മഴ രാത്രിയും തുടര്ന്നു. ഇവിടങ്ങളില് കടല്ക്ഷോഭവും രൂക്ഷമായി. കേരള തീരത്തു നാലു മീറ്റര്വരെ ഉയരത്തില് തിരമാലകളുണ്ടാകുമെന്നു ദേശീയ സമുദ്രഗവേഷണ കേന്ദ്രം മുന്നറിയിപ്പു നല്കി. മണിക്കൂറില് 50 കിലോമീറ്റര് വരെ വേഗത്തില് കാറ്റുവീശാനും സാധ്യതയുണ്ട്.
ഇനി അറിയിപ്പുണ്ടാകും വരെ മത്സ്യത്തൊഴിലാളികള് കടലില് പോകരുതെന്നും നിര്ദേശമുണ്ട്. ഇന്നു മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഓറഞ്ച് അലെര്ട്ട് പ്രഖ്യാപിച്ചു. നാളെ പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളിലും ഒന്പതിനു കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലും 10-നു മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും ഓറഞ്ച് അലെര്ട്ട് പ്രഖ്യാപിച്ചിട്ടുണ്ട്.