തിരുവനന്തപുരം : സംസ്ഥാനത്തിന് 14,25,150 ഡോസ് വാക്സിന് കൂടി ലഭ്യമായതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. കോഴിക്കോട് 2,59,210 എറണാകുളത്ത് 8,38,130, തിരുവനന്തപുരത്ത് 3,27,810,എന്നിങ്ങനെ ഡോസ് കോവിഷീല്ഡ് വാക്സിനാണ് ലഭ്യമായത്. വാക്സിന് എടുത്തിട്ടില്ലാത്ത കോളേജ് വിദ്യാര്ത്ഥികള് എത്രയും വേഗം ആരോഗ്യ പ്രവര്ത്തകരുമായി ബന്ധപ്പടേണ്ടതാണെന്നും ആരോഗ്യവകുപ്പ് അറിയിച്ചു.
ലഭ്യമായ വാക്സിന് വിവിധ ജില്ലകളിലെത്തിച്ചു വരുന്നു. വാക്സിന് എത്തിച്ചേരുന്ന മുറയ്ക്ക് വാക്സിനേഷന് ശക്തിപ്പെടുത്തുന്നതാണെന്നും മന്ത്രി വ്യക്തമാക്കി. സംസ്ഥാനത്തെ ആദ്യ ഡോസ് വാക്സിനേഷന് 80 ശതമാനത്തിലേക്ക് അടുക്കുകയാണ്. വാക്സിനേഷന് എടുക്കേണ്ട ജനസംഖ്യയുടെ 79.5 ശതമാനം പേര്ക്ക് ഒരു ഡോസ് വാക്സിനും 31.52 ശതമാനം പേര്ക്ക് രണ്ട് ഡോസ് വാക്സിനും നല്കി.
