തിരുവനന്തപുരം : സംസ്ഥാനത്തെ ഉന്നത വിദ്യാഭ്യാസരംഗം ചീഞ്ഞളിഞ്ഞുവെന്ന് രമേശ് ചെന്നിത്തല എംഎല്എ. രാഷ്ട്രപതിയെ ആദരിക്കണമെന്ന തന്റെ നിര്ദ്ദേശം കേരള സര്വകലാശാല വിസി തള്ളിയെന്ന് ചാന്സലര് കൂടിയായ ഗവര്ണര് തുറന്നുപറഞ്ഞിട്ടും മുഖ്യമന്ത്രി മൗനം തുടരുകയാണ്. അദ്ദേഹത്തിന്റെ മൗനം ഗൗരവതരമാണെന്നും അവസാനിപ്പിക്കണമെന്നും ചെന്നിത്തല ആവശ്യപ്പെട്ടു.
ഗവര്ണറും സര്ക്കാരും തമ്മിലുള്ള ചക്കളത്തി പോരാട്ടം ഇനിയെങ്കിലും അവസാനിപ്പിക്കണം. സര്വകലാശാലകളുമായി ബന്ധപ്പെട്ട ഫയലുകളൊന്നും ഗവര്ണര് ഒപ്പിടുന്നില്ല. സര്വകലാശാലകളുടെ പ്രവര്ത്തനം സ്തംഭിച്ച അവസ്ഥയിലാണ്. ലക്ഷക്കണക്കിന് വിദ്യാര്ഥികളുടെ ഭാവിയെ ബാധിക്കുന്ന തലത്തിലേക്ക് സര്ക്കാര്-ഗവര്ണര് പോര് വളര്ന്നു. ഗവര്ണര് ചാന്സലര് പദവിയില് തുടരണമെന്നും അല്ലാത്തപക്ഷം രാഷ്ട്രീയ അതിപ്രസരമുണ്ടാകുമെന്നും രമേശ് ചെന്നിത്തല പറഞ്ഞു.
