കോട്ടയം: തദ്ദേശ സ്വയംഭരണ തെരഞ്ഞെടുപ്പിനുമുമ്പ് കേരള കോൺഗ്രസിന്റെ മുന്നണി പ്രവേശനത്തിൽ തീരുമാനമുണ്ടാകുമെന്ന് ജോസ് കെ മാണി എം.പി. ഏത് മുന്നണിയിലേക്കെന്ന് തീരുമാനിച്ചിട്ടില്ല. ഇതുവരെ ആരുമായും ചർച്ച നടത്തിയിട്ടില്ല. സ്വതന്ത്രനിലപാടുമായി മുന്നോട്ടുപോകും.
യുക്തമായ സമയത്ത് പാർട്ടി ഫോറങ്ങളിൽ ചർച്ച ചെയ്ത് തീരുമാനമെടുക്കുമെന്നും അദ്ദേഹം കോട്ടയത്ത് മാധ്യമപ്രവർത്തകരോട് പറഞ്ഞു. സ്വർണ്ണക്കടത്ത് കേസിൽ അന്വേഷണം ശരിയായ രീതിയിലാണ് പോകുന്നത്. വസ്തുത പുറത്തുവരണം. അന്വേഷണം പൂർത്തിയാകട്ടെ, പാളിച്ച ഉണ്ടെങ്കിൽ സമരം നടത്തുമെന്നും ജോസ് കെ മാണി പറഞ്ഞു.
