കണ്ണൂര് : കണ്ണൂരിലെ പാനൂരില് മരിച്ച യുവാവിന് കോവിഡ് സ്ഥിരീകരിച്ചു. മേയ് അവസാനം അഹമ്മദാബാദില് നിന്നെത്തിയ സലീഖാണ് മരിച്ചത്. ഉദരസംബന്ധമായ അസുഖമുണ്ടായിരുന്നു. ഇതോടെ സംസ്ഥാനത്ത് കോവിഡ് ബാധിച്ച് മരിച്ചവരുടെയെണ്ണം 36 ആയി. മേയ് 25ന് നാട്ടിലെത്തി വീട്ടില് തന്നെ കഴിയുകയായിരുന്നു ക്വാറെന്റന് കാലാവധി കഴിഞ്ഞാണ് അസുഖം ഉണ്ടായത്.
ഇതേതുടര്ന്ന് ബന്ധുവിന്റെ പരിചയത്തിലുള്ള ഹോമിയോ ഡോക്ടറെ കാണുകയും ഹോമിയോ മരുന്നുകള് കഴിക്കുകയും ചെയ്തിരുന്നു. പിന്നീടാണ് മരണം സംഭവിച്ചത് . ബന്ധുക്കള് പറയുന്നത് ഉദരസംബന്ധമായ രോഗത്തിനാണ് സലീഖ് മരുന്ന് കഴിച്ചതെന്നാണ്. ഹോമിയോ ഡോക്ടറുടെ ചികിത്സാപ്പിഴവാണോ മരണത്തിന് കാരണമെന്ന് അന്വേഷിക്കണമെന്നും ബന്ധുക്കള് പറയുന്നു. മരണശേഷം ശേഖരിച്ച സ്രവത്തിന്റെ പരിശോധനാഫലമാണ് പോസീറ്റീവായിരിക്കുന്നത്.
