റാന്നി : അങ്ങാടി ഗ്രാമ പഞ്ചായത്ത് കേരളോത്സവത്തിന് പ്രൗഢമായ തുടക്കം. സംസ്ഥാന യുവജനക്ഷേമ ബോർഡ് സഹകരണത്തോടെ നടക്കുന്ന കേരളോത്സവം 13 ന് സമാപിക്കും. അത്ലറ്റിക് വിഭാഗത്തിൽ 12 ഇനങ്ങളിലും ഗെയിംസ് ഇനങ്ങളായ ബാഡ്മിന്റൺ , വോളി ബോൾ 20 x 20 ക്രിക്കറ്റ് ഫുട്ബോൾ എന്നിവയിലുമാണ് മത്സരങ്ങൾ നടക്കുന്നത്. ഏഴോലി എൽ.പി.സ്കൂൾ ഗ്രൗണ്ടിൽ റാന്നി ബ്ളോക്ക് പഞ്ചായത്ത് പ്രസിഡന്റ് കെ.എസ്. ഗോപി കേരളോത്സവം ഉദ്ഘാടനം ചെയ്തു.
പ്രസിഡന്റ ബിന്ദു റെജി അധ്യക്ഷത വഹിച്ചു. ജില്ലാ പഞ്ചായത്തംഗം ജെസി അലക്സ്,ബ്ലോക്ക് പഞ്ചായത്തംഗം അഡ്വ. ജേക്കബ് സ്റ്റീഫൻ, വൈസ് പ്രസിഡന്റ് പി.എസ് സതീഷ് കുമാർ, ഭരണ സമിതിയംഗങ്ങളായ ബിച്ചു ആൻഡ്രൂസ് ഐക്കാട്ടു മണ്ണിൽ, കുഞ്ഞു മറിയാമ്മ, എലനിയാമ്മ ഷാജി, ഷൈനി മാത്യൂസ്, ജെവിൻ കുറിയാക്കോസ്, സിനി അജി ,യൂത്ത് കോ ഓർഡിനേറ്റർ വൈശാഖ് ഗോപിനാഥ് ,സി ഡി എസ് ചെയർ പേഴ്സൺ ഓമനരാജൻ, രാജു തേക്കടയിൽ എന്നിവർ പ്രസംഗിച്ചു.
