പത്തനംതിട്ട : മുസ്ലീംലീഗ് മുന് ജില്ലാ സെക്രട്ടറിയും പത്തനംതിട്ട ടൌണ് ജുമാ മസ്ജിദ് മുന് പ്രസിഡണ്ടും ആയിരുന്ന പത്തനംതിട്ട ഖാന് രാജ് ഭവനില് ഖാൻ ഷാജഹാൻ (55) നിര്യാതനായി. അർബുദ രോഗ ചികിത്സക്കു ശേഷം വിശ്രമത്തിലായിരുന്നു. സാമൂഹിക- സാംസ്കാരിക രംഗങ്ങളില് സജീവ സാന്നിധ്യമായിരുന്നു ഖാന് ഷാജഹാന്. കേരള കരകൌശല വികസന കോര്പ്പറേഷന് ഡയറക്ടര് ബോര്ഡ് അംഗമായും പ്രവര്ത്തിച്ചിട്ടുണ്ട്.
മികച്ച എഴുത്തുകാരന് കൂടിയായിരുന്ന ഇദ്ദേഹം കേരളാ വ്യാപാരി വ്യവസായി ഏകോപന സമിതി പത്തനംതിട്ട യൂണിറ്റിലും സജീവമായി പ്രവര്ത്തിച്ചിട്ടുണ്ട്. ഖബറടക്കം ഞായറാഴ്ച ഉച്ചക്ക് ഒരുമണിക്ക് പത്തനംതിട്ട ടൌണ് ജുമാ മസ്ജിദില്. ഡോക്ടര് ഷാഹിന ബീഗം ആണ് ഭാര്യ. മക്കള് – ഷാദിയ, ഷാഫി. മരുമകന് – ഫൈസല്.