ബംഗളൂരു: കര്ണാടക നിയമസഭാ തിരഞ്ഞെടുപ്പ് പ്രചാരണത്തിനിടെ പ്രധാനമന്ത്രി നരേന്ദ്ര മോദിക്കെതിരായ വിഷപ്പാമ്പ് പരാമര്ശത്തില് മാപ്പു പറഞ്ഞ് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ. തന്റെ പരാമര്ശം ആരെയെങ്കിലും വേദനിപ്പിച്ചെങ്കില് അതില് ഖേദം പ്രകടിപ്പിക്കുന്നതായി അദ്ദേഹം പറഞ്ഞു. വ്യാഴാഴ്ച കല്ബുര്ഗിയില് തെരഞ്ഞെടുപ്പ് പൊതുയോഗത്തില് പ്രസംഗിക്കുന്നതിനിടെയായിരുന്നു വിവാദ പരാമര്ശം.
മോദി വിഷപ്പാമ്പിനെ പോലെയാണെന്ന് അദ്ദേഹം പറഞ്ഞു. ഈ വിഷം ആരെങ്കിലും രുചിച്ചാല് അയാള് മരിക്കുമെന്ന് ഖാര്ഗെ പറഞ്ഞു. ഖാര്ഗെയുടെ പ്രസ്താവനയെ ബിജെപി അപലപിച്ചു. കോണ്ഗ്രസിന്റെ നിരാശയാണ് അദ്ദേഹത്തിന്റെ പ്രസ്താവനയില് നിന്നും വ്യക്തമാകുന്നതെന്ന് ബിജെപി പറഞ്ഞു. പ്രസ്താവന വിവാദമായതിന് പിന്നാലെയാണ് മല്ലികാര്ജുന് ഖാര്ഗെ വിശദീകരണവുമായി എത്തിയത്. താന് പ്രധാനമന്ത്രിയെ കുറിച്ച് പറഞ്ഞിട്ടില്ല. വ്യക്തിപരമായ പ്രസ്താവനകള് നടത്താറില്ലെന്നും ബിജെപിയുടെ പ്രത്യയശാസ്ത്രം പാമ്പിനെപ്പോലെയാണെന്നാണ് പറയാന് ഉദ്ദേശിച്ചതെന്നും നിങ്ങള് രുചിച്ച് നോക്കിയാല് മരണം ഉറപ്പാണെന്നും ഖാര്ഗെ പറഞ്ഞു.
