പൂനൈ : അയല്ക്കാര് തട്ടിക്കൊണ്ടുപോയ ഏഴ് വയസുകാരന് കൊല്ലപ്പെട്ട നിലയില്. കുട്ടിയുടെ മൃതദേഹം 29 മണിക്കൂറിന് ശേഷം വെള്ളിയാഴ്ച ഭോസരിയിലെ കമ്പനി വളപ്പില് നിന്ന് കണ്ടെടുക്കുകയായിരുന്നു. പിംപരി ചിന്ച്വാഡിലെ മസുള്ക്കര് കോളനിയിലെ വീടിനടുത്ത് കളിച്ചുകൊണ്ടിരിക്കെയാണ് ആദിത്യ ഗജനന് ഓഗ്ളെയെ കാണാതായത്.
പോലീസില് പരാതി നല്കിയതിന് പിന്നാലെ വാര്ത്ത സമൂഹ്യ മാധ്യമങ്ങളില് പ്രചരിച്ചതോടെ കുട്ടിയുടെ പിതാവിന് 20 കോടി മോചനദ്രവ്യം ആവശ്യപ്പെട്ട് ഫോണ് ലഭിച്ചു. ഫോണ് നമ്പര് പിന്തുടര്ന്ന് നടത്തിയ അന്വേഷണത്തില് കുട്ടിയുടെ അയല്ക്കാരായ രണ്ട് പേരെ പോലീസ് കസ്റ്റഡിയിലെടുത്തു. ചോദ്യം ചെയ്യലില് കുട്ടിയെ തട്ടിക്കൊണ്ടുപോയി കൊലപ്പെടുത്തിയെന്ന് പ്രതികള് സമ്മതിക്കുകയായിരുന്നു.
