ചെങ്ങന്നൂര് : കീഴ്വന്മഴി ഗവ.ജെ.ബി.എസിന്റെ 125-ാം വാര്ഷികവും അധ്യാപക, പൂര്വ്വവിദ്യാര്ഥി,രക്ഷാകര്ത്തൃസംഗമവും ശനിയാഴ്ച നടക്കും. ഓര്മ്മക്കൂട്ട് 2024 എന്ന പേരിലാണ് സ്കൂളിന്റെ 125-ാം പിറന്നാള് ആഘോഷിക്കുന്നത്.1899-ല് ആണ് സ്കൂള് പ്രവര്ത്തനം തുടങ്ങുന്നത്. പാണ്ടനാട് പഞ്ചായത്തിലെ ആദ്യ സ്കൂളായ ഇതിൽനിലവില് 44 കുട്ടികളാണ് പഠിക്കുന്നത്. രാവിലെ 9.30-ന് ഫോക് ലോര് അക്കാദമി ചെയര്മാന് ഒ.എസ്. ഉണ്ണികൃഷ്ണന് സമ്മേളനം ഉദ്ഘാടനം നിർവഹിക്കും. പഞ്ചായത്ത് പ്രസിഡന്റ് ജെയിന് ജിനു അധ്യക്ഷയാകും. വൈകിട്ട് മൂന്നിന് പൊതുസമ്മേളനം മന്ത്രി സജി ചെറിയാന് ഉദ്ഘാടനം ചെയ്യും.
കൊടിക്കുന്നില് സുരേഷ് എം.പി.മുഖ്യപ്രഭാഷണം നടത്തും. ആഘോഷത്തോടുനുബന്ധി്ച്ച് വിദ്യാര്ഥികളുടെയും പൂര്വ വിദ്യാര്ഥികളുടെയും കലാപരിപാടികള് ഉണ്ടാകുമെന്ന് പാണ്ടനാട് പഞ്ചായത്ത് പ്രസിഡന്റ് ജെയിന് ജിനു, വൈസ് പ്രസിഡന്റ് മനോജ് കുമാര്,പ്രഥമാധ്യാപിക ആര്.റിജമോള്,പി.ടി.എ. പ്രസിഡന്റ് എം.ബി.പ്രദീപ്,പൂര്വ വിദ്യാര്ഥികളായ സി,എസ്.സുനില്കുമാര്, എം.കെ.ശശികുമാര് എന്നിവര് വാർത്താ സമ്മേളനത്തിൽ അറിയിച്ചു.
