കൊച്ചി : കിഴക്കമ്പലം അക്രമ സംഭവവുമായി ബന്ധപ്പെട്ട് സാബു ജേക്കബിനെതിരെയും കേസെടുക്കണമെന്ന് ബെന്നി ബഹനാൻ. കിറ്റെക്സ് കമ്പനിയുടെ നിയന്ത്രണത്തിലുള്ള സ്ഥലത്ത് ലഹരി മരുന്ന് എത്തിച്ചതിൻ്റെ ഉത്തരവാദിത്വത്തിൽ നിന്ന് സ്ഥാപനത്തിന് ഒഴിഞ്ഞു മാറാനാകില്ലെന്നും ബെന്നി ബഹനാൻ പറഞ്ഞു. അവിടുത്തെ അതിഥി തൊഴിലാളികൾക്ക് അക്രമവാസനയുണ്ടാക്കിയതിൽ നിന്ന് കമ്പനിക്ക് ഒഴിഞ്ഞു മാറാനാകില്ല.
2012ൽ കിറ്റെക്സിെനെതിരായ ആക്ഷൻ കൗൺസിൽ പ്രവർത്തകരെ ആക്രമിക്കാൻ സാബു ജേക്കബ് ഉപയോഗിച്ചത് ഈ തൊഴിലാളികളെയാണ്. 20-20 യുടെ മുഖ്യ പ്രചാരകരും പ്രവർത്തകരും ഈ തൊഴിലാളികളാണ്. തനിക്ക് സംരക്ഷണം ഒരുക്കാനും സാബു ഇവരെ ഉപയോഗിച്ചെന്ന് ബെന്നി ബഹനാൻ ആരോപിച്ചു.