കൊല്ക്കത്ത : ഐപിഎല്ലില് കൊല്ക്കത്ത നൈറ്റ് റൈഡേഴ്സ് പേസര് പ്രസിദ്ധ് കൃഷ്ണയ്ക്കും കൊവിഡ്. കെകെആറില് കൊവിഡ് സ്ഥിരീകരിക്കുന്ന നാലാമത്തെ താരമാണ് പ്രസിദ്ധ്. മലയാളി പേസര് സന്ദീപ വാര്യര്, സ്പിന്നര് വരുണ് ചക്രവര്ത്തി, ന്യൂസിലന്ഡ് വിക്കറ്റ് കീപ്പര് ബാറ്റ്സ്മാന് ടിം സെയ്ഫെര്ട്ട് എന്നിവര്ക്ക് നേരത്തെ വൈറസ് ബാധ കണ്ടെത്തിയിരുന്നു. ഐസിസി ടെസ്റ്റ് ചാമ്പ്യന്ഷിപ്പ് ഫൈനലിനും ഇംഗ്ലണ്ടിനെതിരായ അഞ്ച് ടെസ്റ്റുകളുടെ പരമ്പരയ്ക്കുമുള്ള ഇന്ത്യന് ടീമില് സ്റ്റാന്ഡ്ബൈ താരമായി പ്രസിദ്ധ് കൃഷ്ണയെ ഇന്നലെ ബിസിസിഐ പ്രഖ്യാപിച്ചിരുന്നു.
