കോഴിക്കോട് : കെ.എം.ഷാജി എംഎല്‍എയുടെ വീടുകളില്‍നിന്ന് കണ്ടെടുത്തത് 47.35 ലക്ഷം രൂപയെന്ന് വിജിലന്‍സ്. കോഴിക്കോട്ടെയും കണ്ണൂരിലെയും വീടുകളില്‍നിന്നാണ് പണം കണ്ടെടുത്തത്. ഷാജിയുടെ വീട്ടില്‍നിന്ന് കണ്ടെടുത്ത 50 പവന്‍ സ്വര്‍ണവും വിദേശ കറന്‍സിയും വിജിലന്‍സ് സംഘം തിരികെ നല്‍കി. ഇതില്‍ അസ്വാഭാവികതയില്ലെന്ന കണ്ടെത്തലിനെ തുടര്‍ന്നാണ് ഇവ തിരികെ നല്‍കിയത്.
പണവും 82 രേഖകളും വിജിലന്‍സ് കോടതിക്ക് കൈമാറി. അതേസമയം കെ എം ഷാജിയെ വിജിലന്‍സ് നാളെ ചോദ്യം ചെയ്യും. ചോദ്യം ചെയ്യലിനുള്ള നോട്ടീസ് വിജിലന്‍സ് ഷാജിക്ക് കൈമാറി. വീട്ടില്‍ നിന്ന് കണ്ടെടുത്ത പണത്തിന്റെയും സ്വര്‍ണത്തിന്റെയും ഉറവിടം, കണ്ടെടുത്ത രേഖകള്‍ എന്നിവ സംബന്ധിച്ച വിവരങ്ങളാണ് വിജിലന്‍സ് ശേഖരിക്കുക.
