കോഴിക്കോട്: അനധികൃത സ്വത്ത് സമ്പാദന കേസില് അഴീക്കോട് എം.എല്.എയും മുസ്ലീം ലീഗ് നേതാവുമായ കെ.എം.ഷാജിയുടെ ഭാര്യ ആഷ കോഴിക്കോട്ടെ ഇ.ഡി ഓഫീസില് മൊഴി നല്കാനെത്തി. ഇഡി ആവശ്യപ്പെട്ട പ്രകാരമാണ് ഷാജിയുടെ ആഷ ഇ.ഡി ഓഫീസിലെത്തിയത്.
കോഴിക്കോട് മാലൂര്കുന്നിലെ ഷാജിയുടെ വീടിന്റെ വിശദാംശങ്ങള് നേരത്തെ കോഴിക്കോട് നഗരസഭയില് നിന്നും ഇ.ഡി ശേഖരിച്ചിരുന്നു. ഷാജിയുടെ ഭാര്യയുടെ പേരിലാണ് വീട്. അനധികൃത നിര്മാണം കണ്ടെത്തിയ നഗരസഭ ഷാജിക്ക് നോട്ടീസ് നല്കിയിരുന്നു. ഇ.ഡിയുടെ ആവശ്യപ്രകാരം കോര്പ്പറേഷന് അളവെടുത്തപ്പോഴാണ് അനധികൃത നിര്മാണം ശ്രദ്ധയില്പ്പെട്ടത്. അനുമതിയില്ലാതെ 2,300 ചതുരശ്ര അടിയില് നിര്മാണം നടത്തിയിട്ടുണ്ടെന്നാണ് കണക്കാക്കുന്നത്.
കെ.എം ഷാജിക്കെതിരായ പ്ലസ് ടു കോഴ പരാതിയില് പി.എസ്.സി മുന് അംഗവും ലീഗ് നേതാവുമായ ടി.ടി ഇസ്മയിലിന്റെ മൊഴി എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥര് നേരത്തെ രേഖപ്പെടുത്തിയിരുന്നു.
