കേരളത്തില് കുറേക്കാലമായി ബിജെപിയും കോണ്ഗ്രസും ഒരുമിച്ചാണ് നീങ്ങുന്നതെന്ന് ധനമന്ത്രി കെ.എന്.ബാലഗോപാല്. ബി.ജെ.പി രാവിലെ പറയുന്നത് കോണ്ഗ്രസ് നേതാക്കള് ഉച്ചകഴിയുമ്പോള് ആവര്ത്തിക്കും. മുന് മന്ത്രി സജി ചെറിയാന്റെ ഭരണഘടനാവിരുദ്ധ പ്രസംഗം ഗോള്വാള്ക്കറിന്റെ പുസ്തകത്തിലുള്ളതാണെന്ന വി.ഡി സതീശന്റെ പരാമര്ശത്തോടാണ് മന്ത്രിയുടെ പ്രതികരണം. സതീശന് കാര്യങ്ങള് തുറന്നുപറയണമെന്നും കെ.എന് ബാലഗോപാല് ആവശ്യപ്പെട്ടു. സതീശനെതിരെ ആര്.എസ്.എസും ബിജെപിയും ആക്രമണം ശക്തമാക്കിയതിന് പിന്നാലെയാണ് സിപിഎം കേന്ദ്രകമ്മിറ്റി അംഗം കൂടിയായ ധനമന്ത്രിയുടെ വിമര്ശനം.
