കോഴിക്കോട് : പതിമൂന്നുകാരിയെ പീഡിപ്പിച്ച മിമിക്രി കലാകാരന് അറസ്റ്റില്. പേരാമ്പ്ര ചേനോളിയില് വാടകയ്ക്ക് താമസിക്കുന്ന ചെക്കിയോട്ട് താഴ ഷൈജു (41) ആണ് അറസ്റ്റിലായത്. സ്കൂള് അവധിക്കാലത്ത് കൊയിലാണ്ടിയിലെ ബന്ധുവീട്ടില് താമസിക്കുമ്പോഴാണ് 13 കാരിയായ പെണ്കുട്ടി പീഡനത്തിന് ഇരയായത്. കൊയിലാണ്ടിയില് മിമിക്രി പഠിപ്പിക്കാന് എത്താറുള്ളയാളായിരുന്നു പ്രതി.
പഠനത്തില് താല്പര്യമില്ലാതായതിനെ തുടര്ന്ന് അധ്യാപിക അന്വേഷിച്ചപ്പോഴാണ് കുട്ടി പീഡന വിവരം പറഞ്ഞത്. സ്കൂള് അധികൃതര് പോലീസിനെ അറിയിക്കുകയായിരുന്നു. കൊയിലാണ്ടി ജെ എഫ് സി എം കോടതിയില് ഹാജരാക്കിയ പ്രതിയെ കൊയിലാണ്ടി സബ്ബ് ജയിലില് റിമാന്ഡ് ചെയ്തു.
