തിരുവനന്തപുരം : കോണ്ഗ്രസ് നടത്തുന്നത് അരാജക സമരമെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷണന്. കേരളത്തെ പ്രവര്ത്തിക്കാന് സമ്മതിക്കില്ലെന്ന ദൃഢനിശ്ചയത്തിലാണ് ബിജെപിയെന്നും സര്ക്കാര് പദ്ധതികളെ വരിഞ്ഞു മുറുക്കാന് കേന്ദ്ര ഏജന്സികളെ ഉപയോഗിക്കുന്നുവെന്നും അദ്ദേഹം പറഞ്ഞു. ശ്രീറാം വെങ്കിട്ടരാമന്റെ നിയമനം നടപടിക്രമങ്ങളുടെ ഭാഗമാണെന്നും നിയമനം റദ്ദാക്കിയത് ജനവികാരം കണക്കിലെടുത്താണെന്നും കോടിയേരി ബാലകൃഷ്ണന് കൂട്ടിച്ചേര്ത്തു.
കൃഷ്ണ തേജയാണ് ആലപ്പുഴയിലെ പുതിയകളക്ടര്. സിവില് സപ്ലൈസ് വകുപ്പിലേക്കാണ് ശ്രീറാം വെങ്കിട്ടരാമനെ മാറ്റിയത്. സിവില് സപ്ലൈസ് കോര്പ്പറേഷന് ജനറല് മാനേജരായാണ് പുതിയനിയമനം. പ്രളയകാലത്ത് ആലപ്പുഴ സബ് കളക്ടറായിരുന്നു കൃഷ്ണ തേജ് ഐഎഎസ്. ശ്രീറാമിന്റെ ഭാര്യയായ രേണുരാജ് കഴിഞ്ഞ ദിവസമാണ് എറണാകുളം ജില്ലാ കളക്ടറായി ചുമതലയേറ്റത്.
ദിവസങ്ങള്ക്ക് മുന്പാണ് ശ്രീറാം വെങ്കിട്ടരാമനെ ആലപ്പുഴ ജില്ലാ കളക്ടറാക്കി സര്ക്കാര് നിയമിച്ചത്. മൈനിങ് ആന്ഡ് ജിയോളജി വകുപ്പ് ഡയറക്ടര് എന്.ദേവിദാസ് കേരള സംസ്ഥാന പിന്നോടക്ക വിഭാഗ വികസന കോര്പ്പറേഷന് മാനേജിങ് ഡയറക്ടറുടെ അധിക ചുമതല നിര്വഹിക്കും. പദ്ധതി നടപ്പാക്കല് വിലയിരുത്തല്, നിരീക്ഷണ വകുപ്പ് ഡയറക്ടര് അനുപം മിശ്ര പട്ടിക ജാതി വികസന വകുപ്പ് ഡയറക്ടറുടെ പൂര്ണ അധികചുമതലയും നിര്വഹിക്കുമെന്ന് തിങ്കളാഴ്ച ഇറങ്ങിയ ഉത്തരവില് പറയുന്നു.
