തിരുവനന്തപുരം : സിപിഐ എമ്മിന്റെ അടിയന്തര സംസ്ഥാന നേതൃയോഗങ്ങള് ഞായറാഴ്ച ആരംഭിക്കും. ഞായറാഴ്ച സിപിഐ എം സംസ്ഥാന സെക്രട്ടറിയേറ്റും തിങ്കളാഴ്ച സിപിഐ എം സംസ്ഥാന കമ്മിറ്റിയുമാണ് ചേരുന്നത്. സിപിഐ എം ജനറല് സെക്രട്ടറി സീതറാം യെച്ചൂരി സംസ്ഥാന നേതൃയോഗങ്ങളില് പങ്കെടുക്കും.
പൊളിറ്റ് ബ്യൂറോ അംഗം പ്രകാശ് കാരാട്ടും യോഗത്തില് പങ്കെടുക്കുന്നുണ്ട്. സംഘടനാ നേതൃതലപ്പത്തെ ക്രമീകരണങ്ങള് ആലോചനയിലുണ്ട് എന്നാണ് സൂചന. സി പി ഐ എം സംസ്ഥാന സെക്രട്ടറിയായ കോടിയേരി ബാലകൃഷ്ണന്റെ ആരോഗ്യസ്ഥിതി കണക്കിലെടുത്ത് അദ്ദേഹത്തിന് അവധി നല്കുന്നത് പരിഗണനയിലുണ്ട് എന്നാണ് റിപ്പോര്ട്ടുകള്.