പാലക്കാട് : അട്ടപ്പാടിയില് അമ്മയും രണ്ടാനച്ഛനും ചേര്ന്ന് നാലുവയസുകാരന്റെ കാല് സ്റ്റൗവില് വച്ച് പൊള്ളിച്ചു. ആവര്ത്തിച്ച് വിലക്കിയിട്ടും കുട്ടി റോഡില് കളിക്കാനിറങ്ങിയതാണ് കാരണമെന്ന് അമ്മ മൊഴി നല്കി. അമ്മ രഞ്ജിതയെയും ഭര്ത്താവ് ഉണ്ണിക്കൃഷ്ണനെയും അഗളി പോലീസ് അറസ്റ്റ് ചെയ്തു. കുട്ടി കോട്ടത്തറ ട്രൈബല് ആശുപത്രിയില് ചികില്സയിലാണ്. രണ്ടാനച്ഛന് നിരന്തരം ഉപദ്രവിക്കാറുണ്ടെന്ന് കുട്ടി പോലീസിനോട് പറഞ്ഞു. ഈ മൊഴിയും വിശദമായി പരിശോധിക്കുന്നുണ്ട്.
