കണ്ണൂര്: കോടിയേരി ബാലകൃഷ്ണന് വിപ്ലവാഭിവാദ്യങ്ങളോടെ നാടിന്റെ യാത്രാമൊഴി . രാഷ്ട്രീയഭേദമില്ലാതെ നേതാക്കളും പ്രവര്ത്തകരും നാട്ടുകാരും സിപിഎം കണ്ണൂര് ജില്ലാ കമ്മിറ്റി ഓഫിസില് അന്ത്യാഞ്ജലി അര്പ്പിക്കുകയാണ്. സിപിഎം ജനറല് സെക്രട്ടറി സീതാറാം യച്ചൂരി, പിബി അംഗം പ്രകാശ് കാരാട്ട് എന്നിവര് പതിനൊന്നുമണിയോടെ കോടിയേരിക്ക് അന്ത്യാഞ്ജലി അര്പ്പിച്ചു. ഗവര്ണര് ആരിഫ് മുഹമ്മദ് ഖാനും ആദരമര്പ്പിച്ചു.
പ്രതിപക്ഷനേതാവ് വി.ഡി.സതീശന് കോണ്ഗ്രസ് നേതാക്കളായ എം.കെ.രാഘവന്, രാജ്മോഹന് ഉണ്ണിത്താന്, മുസ്ലിം ലീഗ് നേതാവ് ഇ.ടി.മുഹമ്മദ് ബഷീര് എന്നിവരും എത്തി. പയ്യാമ്പലത്ത് പൂര്ണ ഔദ്യോഗിക ബഹുമതികളോടെ സംസ്കാരം നടക്കും. നായനാരുടെയും ചടയന് ഗോവിന്ദന്റെയും സ്മൃതി കുടീരങ്ങള്ക്കു നടുവിലാണ് അന്ത്യവിശ്രമം. ജില്ലാ കമ്മിറ്റി ഓഫീസിലെ പൊതുദര്ശനം പൂര്ത്തിയാക്കി. ഭൗതികശരീരം പയ്യാമ്പലത്തേക്ക് വിലാപയാത്രയായി കൊണ്ടുപോകുന്നു.
