കൊച്ചി : പൊതുപണിമുടക്കിനിടയിലെ അക്രമങ്ങളെക്കുറിച്ചുള്ള ടിവി ചാനല് ചര്ച്ചയില് സി.ഐ.ടി.യു സംസ്ഥാന സെക്രട്ടറി എളമരം കരീമിനെതിരേ ചാനല് അവതാരകന് നടത്തിയ പരാമര്ശങ്ങള് കലാപത്തിനുള്ള ആഹ്വാനമാണെന്നു സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണന്. പരസ്യമായ കലാപത്തിന് ആഹ്വാനം നല്കിയതു കേട്ട് ആരെങ്കിലും എളമരം കരീമിനെ ആക്രമിച്ചിരുന്നുവെങ്കില് എന്താകുമായിരുന്നു സ്ഥിതി. ചാനലിന്റെ ഓഫീസില് എളമരം കരീമിനെ കൊണ്ടുവന്നു നിര്ത്തിയാല് തൊടാന് ധൈര്യമുണ്ടോ? ഈ വിഷയത്തിന്റെ പേരില് ചാനല് ബഹിഷ്കരിക്കുമോയെന്ന ചോദ്യത്തിന്, ഇങ്ങനെയുള്ള അവതാരകരുടെ പരിപാടി ബഹിഷ്കരിക്കുമെന്നായിരുന്നു കോടിയേരിയുടെ മറുപടി.
