തിരുവനന്തപുരം : എളമരം കരീമിനെതിരേ ടിവി ചാനല് അവതാരകന് പറഞ്ഞ വാക്കുകള് സംസ്കാരമുള്ളവര് അംഗീകരിക്കില്ലെന്ന് ഇടതുമുന്നണി കണ്വീനര് എ.വിജയരാഘവന്. വാക്കുകളും വാചകങ്ങളും തെറ്റായി പ്രയോഗിക്കാന് പാടില്ല. നമ്മുടെ ചില ആങ്കര് സുഹൃത്തുക്കള്ക്ക് ആ കസേരയിലിരുന്ന് എന്തും പറയാമെന്നാണ്. പറയുകമാത്രമല്ല, കേരളത്തിലെ ബഹുജന നേതാക്കളെ അക്രമിക്കണമെന്ന് ആഹ്വാനം ചെയ്യുകയായിരുന്നു – വിജയരാഘവന് വാര്ത്താസമ്മേളനത്തില് പറഞ്ഞു. സദുദ്ദേശ്യത്തോടെയുള്ള വിമര്ശനങ്ങളോടു വിരോധമില്ല. അവതാരകന്റെ വാക്കുകള് ഇടതു നേതാക്കന്മാര് ദുര്വ്യാഖ്യാനം ചെയ്യുകയാണെന്ന വാദം വിജയരാഘവന് നിഷേധിച്ചു. അവതാരകന് പറഞ്ഞ വാക്കുകളും വാചകങ്ങളും സംസ്കാരമുള്ളവര്ക്ക് അംഗീകരിക്കാന് കഴിയില്ലെന്നും അദ്ദേഹം പറഞ്ഞു.
