കൊടുമൺ : കൊടുമൺ പഞ്ചായത്തിലെ പാലത്തും പാട് ചക്കി മുക്ക് റോഡ് നിര്മ്മാണം മാർച്ചു മാസത്തോടെ പൂർത്തീകരിക്കുമെന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. ഒമ്പത് വർഷമായി മുടങ്ങിക്കിടക്കുന്ന റോഡ് ചിറ്റയം ഗോപകുമാറിൻ്റെ ഇടപെടലിലൂടെയാണ് കേരള റൂറൽ റോഡ് ഡെവലപ്പ്മെൻ്റ് ഏജൻസി അനുവദിച്ച മൂന്ന് കോടി രൂപ ഉപയോഗിച്ച് നിർമ്മാണം പുനരാരംഭിച്ചത്.
700 കിലോമീറ്റർ ദൂരം ജി.എസ്.പി നിരത്തുന്ന പ്രവർത്തികൾ ആരംഭിച്ചത് രണ്ട് ലേയർ മെറ്റലും കൂടി നടത്തിയാൽ ടാറിംഗ് ആരംഭിക്കുമെന്ന് പ്രവർത്തി പുരോഗതി വിലയിരുത്താൻ സ്ഥലം സന്ദർശിച്ച ഡെപ്യൂട്ടി സ്പീക്കർ ചിറ്റയം പറഞ്ഞു. ജില്ലാ പഞ്ചായത്ത് മെമ്പർ എ.എൻ.സലിം, വാർഡ് മെമ്പർ പി. കെ. അശോക് കുമാർ, സി. പി ഐ മണ്ഡലം സെക്രട്ടറിയേറ്റ് അംഗം ഐക്കാട് ഉദയകുമാർ എന്നിവർ ഡെപ്യൂട്ടി സ്പീക്കർക്കൊപ്പം ഉണ്ടായിരുന്നു
