കുവൈത്ത് സിറ്റി : കുവൈത്തിൽ വാഹന അപകടത്തിൽ മലയാളി യുവാവ് മരണമടഞ്ഞു. തൃശൂർ കൊടുങ്ങങ്ങല്ലൂർ യു.ബസാർ സ്വദേശി കൊല്ലിയിൽ അബ്ദുൽ റഷീദ് (45) ആണ് ഫിഫ്ത്ത് റിംഗ് റോഡിൽ വെച്ച് ഉണ്ടായ അപകടത്തിൽ മരണമടഞ്ഞത്. ശ്വാസ തടസ്സം അനുഭവപ്പെട്ടതിനെ തുടർന്ന് താമസ സ്ഥലത്ത് നിന്ന് ആശുപത്രിയിലേക്ക് സ്വയം വാഹനം ഓടിച്ചു പോകുന്നതിനിടയിലാണ് അപകടം ഉണ്ടായത്. വാഹനം ഓടിക്കുന്നതിനിടയിൽ ഹൃദയാഘാതം സംഭവിച്ചതാണെന്നാണു പ്രാഥമിക നിഗമനം. മെട്രോ മെഡിക്കൽ കെയറിന്റെ ഐ.ടി. മാനേജർ ആയി സേവനം അനുഷ്ടിച്ചു വരികയായിരുന്നു. ഭാര്യ തസ്നി. മക്കൾ – ഫഹീം , ഫർഹദ് , ഫദിയ.
