കൊല്ലം : ജില്ലയില് കൊവിഡ് ബാധിച്ച് മരിച്ചവരുടെ ബന്ധുക്കള്ക്കുള്ള ധനസഹായ വിതരണം 96.98 ശതമാനം പൂര്ത്തിയായി. ഇതുവരെ 28.57 കോടി രൂപ വിതരണം ചെയ്തു. ധനസഹായ വിതരണം വിലയിരുത്താനെത്തിയ കേന്ദ്രസംഘം ജില്ലയിലെ പ്രവര്ത്തനങ്ങളില് സംതൃപ്തി രേഖപ്പെടുത്തി. ശേഷിക്കുന്ന അപേക്ഷകള് പരിശോധിച്ച് ഈമാസം 31ന് മുമ്പ് വിതരണം ചെയ്യും.
കേന്ദ്ര ആരോഗ്യ മന്ത്രാലയത്തിന്റെ ഉപദേഷ്ടാവ് ഡോ. പി. രവീന്ദ്രന്, നാഷണല് സെന്റര് ഫോര് ഡിസീസ് കണ്ട്രോള് ജോ. ഡയറക്ടര് ഡോ. സംകേത് കുല്ക്കര്ണി എന്നിവരാണ് വിലയിരുത്തല് നടത്തിയത്. അപേക്ഷകള്, അവ പരിഗണിക്കുന്ന രീതി, ധനസഹായം, വിതരണസംവിധാനം, ഓണ്ലൈന് സംവിധാനങ്ങള് എന്നിവ പരിശോധിച്ചു. ചിട്ടയായ പ്രവര്ത്തനങ്ങളാണെന്ന് കണ്ടെത്തി. 6264 കോവിഡ് മരണങ്ങളാണ് ജില്ലയില് ഇതുവരെ റിപ്പോര്ട്ട് ചെയ്തത്. ധനസഹായത്തിനായി 5964 അപേക്ഷകള് ലഭിച്ചു. 5784 എണ്ണം തീര്പ്പാക്കി.
