കോന്നി : കോന്നിയിൽ സി പി ഐ ബ്രാഞ്ച് സമ്മേളനങ്ങൾക്ക് തുടക്കമായി. തണ്ണിത്തോട് പി സി കെ ബ്രാഞ്ച് സമ്മേളനം സി പി ഐ ജില്ലാ കൗൺസിൽ അംഗം സുമതി നരേന്ദ്രൻ ഉദ്ഘാടനം ചെയ്തു. പ്രതിഭ അധ്യക്ഷത വഹിച്ചു. മണ്ഡലം കമ്മറ്റി അംഗം കെ സന്തോഷ്, ലോക്കൽ സെക്രട്ടറി പി സി ശ്രീകുമാർ, ലോക്കൽ അസി സെക്രട്ടറി പി ആർ മോഹനൻ തുടങ്ങിയവർ പങ്കെടുത്തു.
കൂടൽ ലോക്കൽ കമ്മിറ്റിയിൽ കുളത്തുൺ ബ്രാഞ്ച് സമ്മേളനം എ കെ ദേവരാജൻ ഉദ്ഘാടനം ചെയ്തു. സുദർശനൻ നായർ ആദ്യക്ഷത വഹിച്ചു. ലോക്കൽ സെക്രട്ടറി രാജൻ ഉണ്ണിത്താൻ, മണ്ഡലം കമ്മിറ്റി അംഗം മിനി മോഹൻ, എം കെ രാമകൃഷ്ണൻ തുടങ്ങിയവർ പങ്കെടുത്തു. ശ്യാമള സോമരാജൻ(സെക്രട്ടറി), രവീന്ദ്രൻ(അസി സെക്രട്ടറി) എന്നിവരെ തിരഞ്ഞെടുത്തു. ഐര ആറ്റുവശം ബ്രാഞ്ച് സമ്മേളനം മണ്ഡലം കമ്മിറ്റി അംഗം കെ ശിവദാസ് ഉദ്ഘാടനം ചെയ്തു. ബിനു ഹരികുമാർ അധ്യക്ഷത വഹിച്ചു. ലോക്കൽ സെക്രട്ടറി വിജയ വിത്സൺ, ബിനോയ്, തുളസിധരൻ നായർ തുടങ്ങിയവർ സംസാരിച്ചു. സെക്രട്ടറിയായി ബി മധുവിനെ തിരഞ്ഞെടുത്തു.