പത്തനംതിട്ട : പത്തനാപുരം ഗാന്ധിഭവൻ ശാഖ കോന്നി എലിയറയ്ക്കൽ ഗാന്ധിഭവൻ ദേവലോകത്തിന്റെ 3മത് വാർഷികവും ഗാന്ധിഭവൻ വിദ്യാർഥികൾക്കും യുവജനങൾക്കുമായി നടത്തി വരുന്ന കാരുണ്യ ബോധവൽക്കരണ പ്രോഗ്രാം സ്നേഹപ്രയാണം ആയിരം ദിനം എന്നിവയുടെ ഉദ്ഘാടനം ഒക്ടോബർ 30 രാവിലെ 11 ന് പത്മശ്രി ഡോ. കുര്യൻ ജോൺ മേളാംപറമ്പിൽ നിർവഹിക്കും.
“മാതാപിതാക്കളെ ദൈവമായി ആദരിക്കണം, ഗാന്ധിയൻ ദർശനം ജീവിത സന്ദേശമാക്കണം, സകല ജീവജാലങ്ങളെയും സ്നേഹിക്കണം” എന്നീ മുന്ന് സന്ദേശങ്ങളാണ് സ്നേഹപ്രയാണം ആയിരം ദിനങ്ങളിലൂടെ പകർന്നു നൽകുന്നത്.
ഗാന്ധിഭവൻ സെക്രട്ടറി കേരളശ്രീ ഡോ. പുനലൂർ സോമരാജൻ അധ്യക്ഷത വഹിക്കുന്ന ചടങ്ങിൽ സമൂഹത്തിലെ വിഭിന്നമേഖലയിലെ ശ്രേഷ്ഠ വ്യക്തികൾ പങ്കെടുക്കുന്നു. പൊതുജനങ്ങൾകും പങ്കെടുക്കാവുന്നതാണെന്നു സംഘാടകർ അറിയിച്ചു.
