കോന്നി : മുൻ മുഖ്യമന്ത്രി ഉമ്മൻ ചാണ്ടിയുടെ മൂന്നാമത് ചരമ വാർഷികത്തോടനുബന്ധിച്ച് ഇന്ത്യൻ നാഷണൽ കോൺഗ്രസ് കോന്നി ബ്ലോക്ക് കമ്മിറ്റിയുടെ നേതൃത്വത്തിൽ നടത്തുന്ന കാരുണ്യസ്പർശം പദ്ധതിയിലൂടെ ഇൻകാസ് ഖത്തർ പ്രവാസികളുടെ സഹായത്താൽ ഗാന്ധിഭവൻ ദേവലോകത്തിലെ അന്തേവാസികൾക്ക് പാലിയേറ്റീവ് ഉപകരണങ്ങൾ കൈമാറി. ജില്ലാ പഞ്ചായത്ത് പ്രസിഡന്റ് ദീനാമ്മ റോയി ഉദ്ഘാടനം ചെയ്തു. പ്രവീണ് പ്ലാവിളയില് അധ്യക്ഷത വഹിച്ചു. ഇൻകാസ് ഖത്തർ നാഷണൽ കമ്മിറ്റി ജനറൽ സെക്രട്ടറി മനോജ് കൂടൽ പാലിയേറ്റീവ് ഉപകരണങ്ങൾ കൈമാറി.
ജില്ലാ പഞ്ചായത്ത് അംഗം എസ്.സന്തോഷ് കുമാർ, കോൺഗ്രസ് മണ്ഡലം കമ്മിറ്റി പ്രസിഡന്റ് തോമസ് കാലായിൽ, ബ്ലോക്ക് കമ്മിറ്റി വൈസ് പ്രസിഡന്റ്മാരായ ഐവാൻ വകയാർ, ഷിജു അറപ്പുരയിൽ, മഹിളാ കോൺഗ്രസ് മണ്ഡലം പ്രസിഡന്റ് പ്രിയ എസ്.തമ്പി, ബ്ലോക്ക് കമ്മിറ്റി ജനറൽ സെക്രട്ടറി അനിൽ വിളയിൽ, മണ്ഡലം വൈസ് പ്രസിഡന്റ് സി.കെ.ലാലു, ഗാന്ധിഭവൻ ദേവലോകം ഡയറക്ടർ എസ്.അജീഷ് എന്നിവർ പ്രസംഗിച്ചു.
