കോന്നി : കെ എസ് ആര് ടി സി ഓപ്പറേറ്റിംഗ് സെന്റര് കേന്ദ്രീകരിച്ച് അനാശ്യാസ്യം വര്ധിക്കുന്നു. സ്കൂള് കുട്ടികളെയും കോളേജ് വിദ്യാര്ത്ഥികളേയും കേന്ദ്രീകരിച്ചാണ് അനാശ്യാസ പ്രവര്ത്തനങ്ങള് വര്ധിക്കുന്നത്. നാട്ടുകാര് ഉള്പ്പെടെ നിരവധി പേര് പോലീസില് പരാതി നല്കിയിട്ടും മേഖലയില് കാര്യമായ പെട്രോളിംഗ് പോലീസ് നടത്തുന്നില്ല. പുറമെ നിന്നെത്തുന്ന യുവാക്കള് സ്കൂള് കുട്ടികളെയും മറ്റും പ്രേമം നടിച്ച് കെ എസ് ആര് ടി സി ഓപ്പറേറ്റിംഗ് സ്റ്റേഷന്റെ ഇടനാഴികളില് പ്രകൃതി വിരുദ്ധ പ്രവര്ത്തനം നടത്തുന്നു.
സ്കൂള് കോളേജുകള് തുറന്നതോടെ ഇത്തരം പ്രവര്ത്തനങ്ങള് വര്ധിക്കുന്നത് ജനങ്ങള്ക്കും ബുദ്ധിമുട്ട് സൃഷ്ടിക്കുന്നുണ്ട്. ഇത് ചോദ്യം ചെയ്യുന്ന ആളുകളെ മര്ദിക്കുവാന് പോലും ഇത്തരം സംഘങ്ങള് മുതിരുന്നുണ്ട്. ഈ കഴിഞ്ഞ ദിവസം കെ എസ് ആര് ടി സി ഓപ്പറേറ്റിംഗ് സ്റ്റേഷന്റെ മുകളില് നിന്ന് ഗര്ഭനിരോധന ഉറകള് വരെ കണ്ടെത്തിയിരുന്നു. ഇത്തരം സംഘങ്ങളെ നിയന്ത്രിച്ചില്ലെങ്കില് കൂടുതൽ വിദ്യാര്ത്ഥിനികള് ഇവരുടെ വലയില് അകപ്പെടുന്നതിന് കാരണമാകും.
