കോന്നി : കോന്നി മെഡിക്കൽ കോളേജ് ആശുപത്രിയിലേക്ക് പ്രവേശിക്കുന്ന പ്രധാന റോഡിൽ നായകളെ വാഹനത്തിൽ കൊണ്ടുവന്ന് ഉപേക്ഷിച്ച നിലയിൽ കണ്ടെത്തി. കഴിഞ്ഞ ദിവസം രാത്രിയോടെ ആണ് നായകളെ വാഹനത്തിൽ കൊണ്ടുവന്ന് ഉപേക്ഷിച്ചത്. നായകളെ ഇവിടെ ഉപേക്ഷിച്ച ശേഷം വാഹനവുമായി കടന്നു കളഞ്ഞതായും പ്രദേശ വാസികൾ പറയുന്നു.
നായകള് ഇപ്പോൾ റോഡിലും പരിസരങ്ങളിലുമായി തമ്പടിച്ചിരിക്കുകയാണ്. മെഡിക്കൽ കോളേജ് പരിസരത്ത് നായ ശല്യം വർധിച്ച് വരുന്ന സാഹചര്യത്തിൽ ആണ് ഇത്തരത്തിൽ നായകളെ ഉപേക്ഷിച്ച നിലയിൽ കണ്ടെത്തിയത്. എഴിലധികം നായകളെ ഉപേക്ഷിച്ചിട്ടുണ്ട്. കോന്നിയുടെ വിവിധ സ്ഥലങ്ങളിൽ തെരുവ് നായ ശല്യം വലിയ തോതിൽ വർധിച്ചിട്ടുണ്ട്. രാത്രിയിൽ പോലീസ് പ്രദേശത്ത് പരിശോധന കർശനമാക്കണമെന്നും ആവശ്യമുയരുന്നു.
