പുനലൂര്‍-മൂവാറ്റുപുഴ സംസ്ഥാന പാത ഉന്നത നിലവാരത്തിലായതോടെ ഉതിമൂട്ടിൽ അപകടങ്ങൾ തുടരുന്നു

റാന്നി: പുനലൂര്‍-മൂവാറ്റുപുഴ സംസ്ഥാന പാത ഉന്നത നിലവാരത്തിലായതോടെ ഉതിമൂട്ടിൽ അപകടങ്ങൾ തുടരുന്നു.തുടര്‍ച്ചയായ നാലാം ദിവസമാണ് ഇവിടെ അപകടം ഉണ്ടാവുന്നത്. കഴിഞ്ഞ ദിവസം
ഉതിമൂട് വയലാപടിക്ക് സമീപവും ഉതിമൂട് ജംങ്ഷനിലുമായി രണ്ടപകടങ്ങളാണ് സംഭവിച്ചത്.വയലാപ്പടിയില്‍ കാറുകൾ കൂട്ടിയിടിച്ചാണ് അപകടം ഉണ്ടായത്.
റാന്നിയില്‍ നിന്നും തിരുവന്തപുരത്തേക്കു പോകുവാന്‍ വന്ന വാഹനവും പത്തനംതിട്ട ദിശയിൽ നിന്നും റാന്നി ഭാഗത്തേക്ക്‌ വന്ന വാഹനവും തമ്മിലാണ് കൂട്ടിയിടിച്ച് അപകടം ഉണ്ടായത്. പരിക്കേറ്റവരെ പത്തനംതിട്ട ആശുപത്രിയിൽ പ്രവേശിപ്പിച്ചു.ഉതിമൂട് ജംങ്ഷനില്‍ കഴിഞ്ഞദിവസം പുലര്‍ച്ചെ നിര്‍ത്തിയിട്ട ജീപ്പിന്‍റെ പിന്നില്‍ കാറിടിച്ചാണ് അപകടം ഉണ്ടായത്.പാലാ സ്വദേശികള്‍ സഞ്ചരിച്ച കാറാണ് അപകടം ഉണ്ടാക്കിയത്.കാറിന്‍റെ മുന്‍വശവും ജീപ്പിന്‍റെ പിന്‍വശവും അപകടത്തില്‍ തകര്‍ന്നു.അപകടം ഒഴിവാക്കാന്‍ വേണ്ട സുരക്ഷാ മുന്‍കരുതലുകള്‍ ഒരുക്കാന്‍ അധികൃതര്‍ തയ്യാറാകുന്നില്ലെന്ന ആക്ഷേപം നാട്ടുകാര്‍ ഉയര്‍ത്തുന്നുണ്ട്.