കോന്നി : കോന്നി മെഡിക്കല് കോളേജില് ഓക്സിജന് ജനറേഷന് പ്ലാന്റ് ഉടന് സ്ഥാപിക്കും. ഇതിനായി പ്ലാന്റ് മെഷീനുകള് അടക്കം കോന്നി മെഡിക്കല് കോളേജില് എത്തിച്ചു. ഒരു മിനിറ്റില് 1500 ലിറ്റര് ഉത്പാദന ശേഷിയുള്ള ദ്രവീകൃത ഓക്സിജന് നിര്മ്മാണ പ്ലാന്റാണ് സ്ഥാപിക്കുന്നത്. ഒരു കോടി അറുപത് ലക്ഷം രൂപ ചെലവിലാണ് പ്ലാന്റ് നിര്മ്മിക്കുന്നത്. പി എസ് എ ടെക്നോളജി ഉപയോഗിച്ചാണ് ഇത് പ്രവര്ത്തിക്കുന്നത്.
ഓക്സിജന് പ്ലാന്റ് നിര്മ്മാണം പൂര്ത്തീകരിക്കുന്നതോടെ മെഡിക്കല് കോളേജില് ഓക്സിജന് സ്വയംപര്യാപ്തത കൈവരിക്കുവാന് കഴിയും. അധികമായി ഉത്പാദിപ്പിക്കുന്ന ഓക്സിജന് ഇതര ആരോഗ്യ സ്ഥാപനങ്ങള്ക്ക് നല്കുവാനും കഴിയും. കേരള മെഡിക്കല് സര്വ്വീസസ് കോര്പ്പറേഷനാണ് പ്ലാന്റ് സ്ഥാപിക്കുന്നതിന്റെ ചുമതല.
