കോന്നി : കോന്നി ഗ്രാമപഞ്ചായത്തിൽ ഇന്ന് നടന്ന കമ്മിറ്റിയിൽ പ്രതിപക്ഷത്തിന്റെ പ്രതിഷേധം. ഒടുവില്‍ വോക്കൌട്ടും നടത്തി പിരിഞ്ഞു. കോവിഡ് പ്രവർത്തനത്തിന്റെ ഭാഗമായുള്ള കിറ്റു വിതരണത്തില്‍ പഞ്ചായത്ത് പ്രസിഡണ്ടിന്റെയും ചില പഞ്ചായത്തംഗങ്ങളുടെയും ഏകപക്ഷീയമായ പ്രവർത്തനത്തിൽ പ്രതിഷേധിച്ചും ചില വാർഡുകളെ മനഃപൂർവം ഒഴിവാക്കുന്ന നടപടിയിലും പ്രതിഷേധിച്ചുകൊണ്ടായിരുന്നു വോക്കൌട്ട്.
പ്രതിപക്ഷനിരയില്‍ നിന്നും ബിജി.കെ.വർഗീസ് ആണ് ആദ്യം തര്‍ക്കം ഉന്നയിച്ചത്. തുടർന്ന് സൗദാമിനി, തുളസി, ലൈല, ഗീത എന്നിവരും ഭരണപക്ഷ അംഗങ്ങൾ 5 പേരും കമ്മിറ്റി ബഹിഷ്കരിച്ചു. പ്രസിഡന്റിന്റെ പ്രവർത്തനത്തിനെതിരെ ആയിരുന്നു എല്ലാവരുടെയും അമർഷം. പ്രസിഡന്റും ചില അംഗംങ്ങളും ചേർന്ന് പഞ്ചായത്തിന്റെ പേരിൽ മറ്റു വാർഡ് മെമ്പറുമ്മാരെ അറിയിക്കാതെ പണപ്പിരിവ് നടത്തി 4 വാർഡുകളിൽ മാത്രം കിറ്റ് വിതരണം നടത്തിയത് ആണ് കമ്മിറ്റിയിൽ വലിയ പ്രതിഷേധത്തിന് ഇടയാക്കിയത്.
