റാന്നി : ഉന്നത നിലവാരത്തിൽ വികസിപ്പിച്ച കോന്നി–പ്ലാച്ചേരി റോഡിൽ ചെളിയും മാലിന്യവും നിറയുന്നു. ഇടറോഡുകളിൽ നിന്നെത്തുന്ന മഴവെള്ളം ഓടകളിലേക്ക് ഒഴുക്കി വിടാൻ സംവിധാനമൊരുക്കാത്തതാണു വിനയായത്. പ്ലാച്ചേരി മുതൽ ഉതിമൂട് വരെ സംസ്ഥാന പാതയിലേക്കു സന്ധിക്കുന്ന ഒട്ടേറെ ഇടറോഡുകളുണ്ട്. ചെറുതും വലുതുമായ റോഡുകളും നടപ്പാതകളുമാണിവ. ഇതൊന്നും കണക്കിലെടുക്കാതെയാണ് പാതയിലെ പ്രധാന കവലകളിൽ ഓടയും അവയ്ക്കു മുകളിൽ നടപ്പാതയും നിർമിച്ചത്. റാന്നി ടൗണിലെ ചില ഇടറോഡുകളിൽ നിന്ന് ഓടയിലേക്ക് വെള്ളമെത്താൻ പൈപ്പുകളിട്ട് സംവിധാനമൊരുക്കിയിട്ടുണ്ട്. എന്നാൽ മറ്റിടങ്ങളിൽ അവയൊന്നുമില്ല.
മഴക്കാലത്ത് ഇടവഴികളിൽ നിന്ന് വെള്ളത്തിനൊപ്പം മാലിന്യവും ചെളിയും ഒഴുകിയെത്തുന്നുണ്ട്. അവ നടപ്പാതകളിലും വശങ്ങളിലും കെട്ടിക്കിടക്കുകയാണ്. ഇതുമൂലം വെള്ളക്കെട്ടും രൂപപ്പെടുന്നു. മഴ സമയത്ത് ഇടവഴികളിൽ നിന്നെത്തുന്ന വെള്ളം പാതയുടെ ഉപരിതലത്തിലൂടെ നിരന്നൊഴുകുകയാണ്. ചരിവുള്ള ഭാഗങ്ങളിൽ വീട്ടുമുറ്റങ്ങളിലേക്കും എത്തുന്നുണ്ട്. ചെല്ലക്കാട്–മന്ദമരുതി വരെ പാതയുടെ വശത്ത് നിർമിച്ചിട്ടുള്ള ഓടയിൽ ചെളിയും കാടും വളരുകയാണ്. മക്കപ്പുഴ സ്കൂൾ ജംഗ്ഷനില് നിർമിച്ചിട്ടുള്ള ഓടയിലൂടെ വെള്ളം ഒഴുകാറില്ലെന്ന് സമീപവാസികൾ പറയുന്നു. അടഞ്ഞു കിടക്കുന്ന കലുങ്കുകൾ തുറക്കാനും നടപടിയില്ല.
WANTED MARKETING MANAGER
സംസ്ഥാന സര്ക്കാരിന്റെ ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് (www.pathanamthittamedia.com) മാര്ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
