കോന്നി : ഹർത്താൽ ദിനത്തിൽ വിശന്ന് വലഞ്ഞ ആനക്ക് കോന്നി പോലീസ് രക്ഷകരായി. അങ്ങാടിക്കൽ മാരാരത്ത് കണ്ണന്റെ ഉടമസ്ഥതയിൽ ഉള്ള അങ്ങാടിക്കൽ ശിവശങ്കരൻ എന്ന ആനയാണ് ഹർത്താൽ ദിനത്തിൽ ഭക്ഷണം കിട്ടാതെ വിശന്ന് വലഞ്ഞത്. കോന്നിയിൽ ജോലിക്കായി എത്തിച്ച ആനക്ക് നെടുമൺകാവിൽ ആയിരുന്നു പനംപട്ട തയ്യാറാക്കി വെച്ചിരുന്നത്. ഇത് എടുക്കാനായി ഒന്നാം പാപ്പാൻ സാബുവിനോപ്പം നെടുമൺകാവിലേക്ക് പോകും വഴി കോന്നി നഗരത്തിൽ എത്തിയപ്പോൾ ആന വിശന്ന് തളർന്ന് അവശനാവുകയായിരുന്നു. ഈ സമയം കോന്നിയിൽ ഡ്യൂട്ടിയിൽ ഉണ്ടായിരുന്ന കോന്നി സി ഐ രതീഷും സംഘവും ആനക്ക് രണ്ട് കുല പഴം വാങ്ങി നൽകുകയായിരുന്നു. ഹർത്താൽ ദിനത്തിൽ വിശപ്പ് മാറിയ സന്തോഷത്തിൽ ആണ് ആനയും ഒന്നാം പാപ്പാൻ രാജനും രണ്ടാം പാപ്പാൻ സാബുവും കോന്നിയിൽ നിന്ന് യാത്രയായത്.
