കോതമംഗലം: കോതമംഗലം – പൂയംകുട്ടി വനത്തില് വച്ച് കാട്ടുപോത്തിന്റെ ആക്രമണത്തില് ഒരാള്ക്ക് പരിക്ക്. ഉറിയം പെട്ടി ആദിവാസി കോളനിയിലെ വേലപ്പ(55) നാണ് കാട്ടുപോത്തിന്റെ ആക്രമണത്തില് പരിക്കേറ്റത്. കുഞ്ചിപ്പാറക്ക് സമീപം മഞ്ചപ്പാറ എന്ന സ്ഥലത്ത് വച്ചാണ് ആക്രമണം ഉണ്ടായത്. ശിവദാസ്, രാജു എന്നീ ബന്ധുക്കള് ഉള്പ്പെടെയുള്ള അഞ്ചംഗ സംഘത്തിനു നേരെയായിരുന്നു ആക്രമണം.
അതേസമയം കഴിഞ്ഞ ദിവസം രണ്ടിടങ്ങളിലുണ്ടായ കാട്ടുപോത്തിന്റെ ആക്രമണത്തില് മൂന്ന് പേര് മരിച്ചിരുന്നു. കോട്ടയം എരുമേലി കണമലയില് 2 പേരും കൊല്ലം ആയൂരില് ഒരാളുമാണ് കൊല്ലപ്പെട്ടത്. കണമല അട്ടിവളവ് പ്ലാവനാക്കുഴി (പുന്നത്തുറ) തോമസ് ആന്റണി (63), പുറത്തേല് ചാക്കോ (70), ആയൂര് പെരിങ്ങള്ളൂര് കൊടിഞ്ഞല് കുന്നുവിള വീട്ടില് സാമുവേല് വര്ഗീസ് (രാജന്-64) എന്നിവരാണു മരിച്ചത്.
